ကိုဗစ်ကာလ သုံးလအတွင်း သေကြောင်းကြံစည်မှုများ

မြန်မာနိုင်ငံတွင် ကိုဗစ်-၁၉ ကပ်ရောဂါ စတင်ဖြစ်ပွားသည့် မတ် ၂၃ ရက်မှ ဇွန် ၂၂ ရက် အထိ သုံးလတာကာလအတွင်း လူပေါင်း ၄၇၀ သည် မိမိကိုယ်ကို သေကြောင်းကြံစည်ခဲ့ ကြပြီး သေကြောင်းကြံစည်သူအားလုံး သေဆုံးခဲ့ကြောင်း မြန်မာနိုင်ငံ ရဲတပ်ဖွဲ့ဌာနချုပ်မှ ရဲမှူးကြီးကျော်သီဟ၏ ပြောကြားချက်များအရ သိရှိရပါသည်။ သေကြောင်းကြံစည်သူ ၄၇၀ ဦးအနက် ၃၈၂ ဦးသည် အမျိုးသားများဖြစ်ကြပြီး ၈၈ ဦးသည် အမျိုးသမီးများဖြစ်ကြပါသည်။ ထိုသို့ သေကြောင်းကြံစည်ကြသူများမှာ မန ္တလေးတိုင်းတွင်နေထိုင်သူ ၇၃ ဦး ပါဝင်ခဲ့ပြီး အများဆုံးဖြစ်ကာ ပဲခူးတိုင်းမှ ၆၆ ဦး၊ ရန်ကုန်တိုင်းနှင့် ရှမ်းပြည်နယ်တို့တွင် ၅၄ ဦးစီ ရှိခဲ့ကြ ကြောင်း သိရသည်။