ကိုဗစ်-၁၉ အရေးနှင့် ဆက်နွှယ်၍ ဖြစ်ပွားခဲ့သော အမှုဖြစ်စဉ်များ

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP–B) က ကိုဗစ်–၁၉နှင့် ဆက်နွှယ်၍ တရားစွဲဆို ပြစ်ဒဏ်ချမှတ်မှုများကို ဧပြီလမှစတင်ပြီး မှတ်တမ်းပြုစုလျက်ရှိပါ သည်။ မတ်လနှင့် ဧပြီလအတွင်းတွင် ကူးစက်ရောဂါကာကွယ်နှိမ်နင်းရေး ဥပဒေ ပုဒ်မ ၁၅၊ ပုဒ်မ ၁၈၊ သဘာ၀ဘေးအ္တရာယ်ဆိုင်ရာ စီမံခန့်ခွဲမှုဥပဒေ ပုဒ်မ ၂၅၊ ပုဒ်မ ၂၆၊ ပုဒ်မ ၂၇၊ ပုဒ်မ ၂၈၊ ပုဒ်မ ၃၀၊ ရာဇသတ်ကြီးပုဒ်မ ၁၈၈၊ နှာခေါင်းစည်း (Mask) တပ်ဆင်ခြင်းမရှိသောကြောင့် ဖမ်းဆီးခံရခြင်း စသည့်ဥပဒေတို့ဖြင့် တရားစွဲဆို၊ ပြစ်ဒဏ်ချမှတ်ခြင်းခံခဲ့ရသူ ၆၇၀ ဦးရှိခဲ့ပြီး မေလအတွင်းတွင် ၃၇၀၅ ဦးအထိ မြင့်တက်လာခဲ့ကာ ဇွန်လတွင် ၅၆ ဦးအထိ ပြန်လည် လျော့ကျသွားခဲ့သည်ကို တွေ့ရှိရသည်။

ဇွန်လအတွင်း ညမထွက်ရအမိန့်ကို ချိုးဖောက်ခြင်းအတွက် ရာဇသတ်ကြီး ပုဒ်မ ၁၈၈ ဖြင့် တရားစွဲဆို၊ ပြစ်ဒဏ်ချမှတ်ခြင်းခံထားရသူ စုစုပေါင်း ၁၉ ဦးရှိသည်။ ထို့အပြင် ကွာရန် တင်းစင်တာတွင် နေထိုင်စဉ် သတ်မှတ်ထားသော စည်းကမ်းများကို လိုက်နာခြင်းမရှိခြင်းနှင့် သတ်မှတ်ထားသောအမိန့်များကို ချိုးဖောက်ခြင်းအတွက်  ကူးစက်ရောဂါများ ကာကွယ်နှိမ် နင်းရေးဥပဒေ ပုဒ်မ ၁၅၊ ပုဒ်မ ၁၈ တို့ဖြင့် တရားစွဲဆို၊ ပြစ်ဒဏ်ချမှတ်ခြင်းခံထားရသူ စုစု ပေါင်း ၂၉ ဦးရှိသည်။ နှာခေါင်းစည်း (Mask) တပ်ဆင်ခြင်းမရှိသောကြောင့် အပြစ်ပေး အရေး ယူခြင်းခံထားရသူ စုစုပေါင်း ၇ ဦး ရှိပါသည်။

ဧပြီလအတွင်းတွင် အစိုးရမှ ညမထွက်ရအမိန့်ကို ည ၁၀ နာရီမှ နံနက် ၄ နာရီအထိ ထုတ်ပြန်ခဲ့ပြီး မေလတတိယအပတ်တွင် ည ၁၂ နာရီမှ နံနက် ၄ နာရီအထိ ပြန်လည်ဖြေလျှော့ပေးခဲ့ပါသည်။