CONID-19 ၏ စီးပွားရေးအပေါ်ထိခိုက်မှုမှာ ကာလရှည်ဖြစ်သွားနိုင်သည့်အတွက် အစိုးရအနေဖြင့် ရေရှည်အတွက် မဟာဗျူဟာများ ချမှတ်ရန်နှင့် အလုပ်အကိုင် အခွင့်အလမ်းသစ်များ ဖန်တီးနိုင်ရန် လိုအပ်‌ြေကာင်းသုံးသပ်မှုများရှိနေသည်။

လူသားတွေဟာ အကျင့်ဝသီ (ဝါ) အလေ့အထရှိတဲ့ သတ္တဝါတွေ ဖြစ်တဲ့အတွက်ကြောင့် ပုံမှန် လုပ်ရိုးလုပ်ဆောင်ရသော အလုပ်များသည် စိတ်ချမ်းမြေ့စေရန် လိုအပ်ပါသည်။ သင်၏ဘဝကို ပုံမှန် နေ့စဉ် အစီအစဉ်ချထားသော ကြိုတင်ခန့်မှန်းနိုင်သည့် ပုံစံမျိုးဖြင့် လုပ်ကိုင်ရသော အလုပ်မျိုးကို လုပ်ကိုင်ရန် သင် ဆန္ဒရှိနိုင်ပေသည်။ ယခု ကာလသည် သင့်တွင် အချိန်လည်းရှိပြီး စိတ်အနှောင့်အယှက် နည်းပါးသော အချိန် ဖြစ်ရာ တရားဓမ္မနှင့်အညီ နေထိုင်သက်ရှင်ရန် အကောင်းဆုံး အခွင့်အခါပင် ဖြစ်ချေတော့သည်။

အထက်ဌာနများက စေခိုင်း ညွှန်ကြားချက်များအရ ၁၄ ရက်ကြာ သီးခြားထား၍ စောင့်ကြည့်သည် ဆိုသော်လည်း မည်ကာမတ္တ သဘောဆောင်ပါသည်။ ဝတ္တရားကျေ ဆန်ပါသည်။ ထိုသူတို့အား မိသားစုဝင်တို့က ချိုင့်ကိုဆွဲလျက် သူတို့ဆီသို့ နေ့စာ၊ ညစာ ထမင်း၊ ဟင်း သွားရောက် ပို့ဆောင်ပေးသည်။ ထမင်းလက်ဆုံ စားရင်း တနာရီ၊ နှစ်နာရီကြာအောင် စကားစမြည် ပြောသည်။ ညဘက်တွင် အပျင်းပြေစေရန် အလည်အပတ် သွားရောက်၍ အဖော် လုပ်ပေးသည်။ ပြီးလျှင် အိမ်ပြန်ကြ။ ရပ်ထဲရွာထဲသို့ ပုံမှန်အတိုင်း ကူးလူးဆက်ဆံကြ။

မြန်မာနိုင်ငံတွင် အကျဉ်းသားတဦး၏ စားသောက်ရေးအတွက် သတ်မှတ်ထားသည့် နှုန်းထားမှာ အကျဉ်းသားတဦးလျှင် ၉၇၅ ကျပ်နှုန်းသာ သတ်မှတ်ထားသဖြင့် ထိုနူန်းထားဖြင့် ကျွေးမွေးနေသည်မှာ ကိုယ်ခံအားကောင်းရန် လုံလောက်သော အာဟာရဓာတ် ဖြစ်ပါ့မလား ဆိုသည်က မေးခွန်းထုတ်စရာ ဖြစ်ပေသည်။ ထိုနှုန်းထားဖြင့် တွက်ကြည့်လျှင်တောင်မှ အကျဉ်းသား တသိန်းအတွက် တရက်ဆိုလျှင်ပင် သိန်းပေါင်း ၉၇၅ သိန်းကျပ် (၉၇,၅၀ဝ,ဝ၀ဝ ကျပ်) ဖြစ်နေသည်။ ထိုသည်မှာ အစားအသောက် စရိတ်မျှပင် ဖြစ်ပြီး ကျန်းမာရေးစရိတ်၊ ဝန်ထမ်းစရိတ်၊ နေ့စဉ် မြို့နယ် အသီးသီးသို့ ရုံးထုတ်ရသော အသုံးစရိတ်များ၊ အဆောက်အဦများ ထိန်းသိမ်းပြင်ဆင် စရိတ်များ၊ အခြားသော အထွေထွေစရိတ်များ မပါဝင်သေးပါ။ ၂၀၁၆ – ၂၀၁၇ ခုနှစ် အတွက် အကျဉ်းသား၊ အချုပ်သား ကျွေးမွေး ကုန်ကျစရိတ်မှာ ကျပ် ၁၉ ဒသမ ၆၁၄ ဘီလီယံ ကုန်ကျခဲ့သည်။ အကျဉ်းသားဦးရေ ၃ ပုံ ၁ ပုံ ကိုသာ လျှော့ချလိုက်ပါက ကုန်ကျစရိတ်သည်လည်း နေ့စဉ်အတွက် အစားအသောက်စရိတ်ပင် ၃၂၅ သိန်းကျပ် သက်သာမည်ဖြစ်ပြီး အခြားသော နေရာများတွင် အသုံးချနိုင်ပါသည်။ ပိုကောင်းသည့်အချက်မှာ COVID-19 ကာကွယ်နိုင်ရေး အတွက် လိုအပ်သည့် နေရာ အကျယ်အဝန်းလည်း ထွက်လာနိုင်ပေမည်။

အချိန်မီ ထိရောက်သည့် အရေးပေါ် အခြေအနေ တုန့်ပြန်မှုမျိုးကို စီမံဆောင် ရွက်နိုင်ရန်အတွက် ပြည်နယ် ဒေသန္တရအဆင့် အစိုးရဌာနများ၊ အေဂျင်စီများနှင့် အဖွဲ့အစည်းများ အနေဖြင့် ၎င်းတို့ သက်ဆိုင်ရာ ပြည်နယ်ဒေသများအတွက် ထိရောက်ကောင်းမွန်သည့် အရေးပေါ်အခြေအနေ စီမံခန့်ခွဲရေးအစီအမံများ ရေးဆွဲနိုင်ရန်နှင့် လက်တွေ့ အကောင်အထည်ဖော် ဆောင်ရွက်နိုင်ရန်တို့အတွက် ၎င်းတို့၏ ဝေဖန်ပိုင်းခြား တွေးခေါ်စဥ်းစားနိုင်စွမ်းနှင့် စီမံခန့်ခွဲမှုစွမ်းဆောင်ရည် မြင့်မားလာစေရန် တည်ဆောက် ပေးရန်လိုအပ်ပါသည်။ သို့မှသာ နိုင်ငံအစိုးရများအနေဖြင့် ကြုံတွေ့နေရဆဲနှင့် နောင်ကာလများတွင် ထပ်မံ ကြုံတွေ့ကြရဦးမည်ဖြစ်သည့် အတိုင်းအဆကြီးမားသည့် ဘေးအန္တရာယ်များနှင့် အရေးပေါ်အခြေအနေများကို လျင်မြန်ထိရောက်စွာ တုန့်ပြန်ဆောင်ရွက်နိုင်မည် ဖြစ်ပါသည်။

ကပ်လွန်ကာလ နိုင်ငံတော်မှာ လုပ်စရာများပါတယ်။ stimulus package ကပ်ကာလ လူမှု စီးပွား ထောက်ပံ့ရေး အစီအမံတွေနဲ့ ၂၀၂၀ နှစ်ကုန် ကာလအထိ အခက်အခဲရှိနေတဲ့ စီးပွားရေး လုပ်ငန်းတွေကို ငွေချေးပြီး ကျားကန်ပေးဖို့ လိုပါတယ်။ ခရီးသွားကဏ္ဍ သက်သက်ကိုသာပြောရရင် ကိုဗစ်အလွန်ကာလ ခရီးသွားပုံမှန်ဖြစ်ရေး ဒေသတွင်း ခရီးသွားအားပြိုင်ပွဲထဲဝင်ပါဖို့ ငွေလုံးငွေရင်း ထုတ်နုတ် အသုံးပြုသင့်ပါတယ်။ တဖက်မှာ လုပ်ငန်းရှင်တွေကလည်း စည်းလုံး ညီညွတ်မှုနဲ့ ဒေသတွင်းဈေးကွက်နဲ့ ယှဉ်ပြိုင်နိုင်အောင် ဈေးလျှော့ချပြီး ယှဉ်ပြိုင်နိုင်ရပါမယ်။ နိုင်ငံတော်ဟာ ခရီးသည်တွေအပေါ် ကောက်ခံနေတဲ့ အခွန်အခ၊ ဇုန်ဝင်ကြေးများကို လျှော့ချပစ်ဖို့ သို့မဟုတ် အချိန်ကာလ တခုအထိ လုံးဝ ပယ်ဖျက်ပစ်ဖို့ လိုပါတယ်။ ခရီးသွား ကဏ္ဍမှာ ပါဝင်နေတဲ့ ပြည်သူများရဲ့ အခက်အခဲများကို တတ်နိုင်သမျှ နိုင်ငံတော်ဘက်မှ မျှယူထမ်းပိုးပေးဖို့ လိုနေပါတယ်။ နိုင်ငံတော်ဟာ လက်ရှိအချိန် ကမ္ဘာ့ခရီးသွား ကဏ္ဍရဲ့ ပြောင်းလဲနေမှုများကို မျက်ခြည်မပြတ်ကြည့်ရှုပြီး မိမိ ခရီးသွားကဏ္ဍကို လိုက်လျောညီထွေ ပြုပြင်နိုင်ရေး အစီအမံတွေ ချမှတ်ဖို့လည်းလိုပါတယ်။ ကပ်လွန် ရေတို အချိန်ကာလတခုဟာ အမြတ်အစွန်းထက် မိမိတို့ ရေရှည် ရပ်တည်နိုင်ရေး ဦးတည်နေရကြောင်း လုပ်ငန်းရှင်နဲ့ ဝန်ထမ်းများ သဘောပေါက်ပြီး ညီညွတ်စွာ ကျားကန်ဖို့ လိုအပ်နေပါတယ်။